金船長餐廳~

Aeris生日飯,又係跟傳統二人去慶祝,喱次挑戰極限去左大角咀搵食,據聞喱間食物幾特別又好食,重點係有心太軟,仲可以寫字比較有心思。BOOK7:30,太多人,去到都要等一等,不過都好快有得入去。

聖誕佈置,昏暗環境,幾有氣氛。

之後已經係OPENRICE搜查過有咩好野食,不過即場當然會睇多次,主要係主角有咩岩食。

薄荷浮冰,好有cocktail feel,綠色有種清涼既感覺,係薄荷七喜來的,喱杯真係冇叫錯,好解喝,因為以下食物都幾重口味。

金船長芝士漢堡,出名之一,都幾大個,厚牛肉,多汁好味,不過唔夠鬆化。

肉醬千層麵,細細件,味道濃郁,正常既水準。

黑松露菌醬意式馬斯卡普芝士夾心比薩,好有特色既pizza,好似夾餅呀,外脆內軟,入面係黑松露加芝士餡,好香濃芝士味,唔係好漏,份量好多兩個女仔食唔晒,不過侍應好細心,知我地食唔晒問要唔要打包。

心太軟,貪佢夠心思~~~雖然唔算好濃朱古力味,不過都幾好食呀。

整體上價錢平又有特色同幾好味,服務態度又好同細心,真係值得推介呀。

大角咀大全街55號3A