同yan又周圍食試新野,聽講喱到既蘋果批同雞批都好出名,仲要係限量供應既,於是就來試下了~!
先係個店面睇下有冇貨先,太好了,兩款都有齊呀~!
本身想外賣食的,不過又想坐下涼下冷氣,so決定入去食了,差唔多5點幾既時間,冇乜人~!
因為冇餐既關係,我地要左蘋果批同雞批每樣一件呀,$10一件,好大件呀,賣相都好吸引~!
雞批,$10,熱熱地既,個皮食落鬆脆,最欣賞係佢d餡好足料,忌廉汁同d餡多到要流出來,感覺好滿足,味道上唔算係好特別,不過都幾好味~!
蘋果批,$10,相比雞批之下,蘋果批原來仲要正好多,好多餡,入面全是啖啖既蘋果肉,食落好香蘋果味,又唔會太甜,好食呀~!
$10有一件咁大同好食既批都算唔錯,合理價錢呀,推介蘋果批必食~!
大埔鄉事會坊17號地舖 |
沒有留言:
張貼留言