金都海鮮酒家~

上星期母親節,想到酒樓食飯,因為本身想去果間冇得book位,要去等,點知實在太多人了,決定搵過第二間,搵左幾間搵到一間仲有得book的,於是去喱間,係遠左點呀,不過唔洗等都好既~!

去多都係好多人等,不過我地係book位,即有位,叫左喱個餐,另加多個片皮鴨二食~!

片皮鴨,好耐冇食呀,味道唔錯既~!

薄餅太厚了食落好粉,唔掂呀~!

海鮮醬,蔥,仲有青瓜呀~!

太耐冇食之下有得食真係好滿足,雖然唔係最好味,不過都唔錯咁啦~!

蔥爆鴨肉,有點韌~!

乳豬拼盤,乳豬都幾脆,叉燒都唔錯,其他就比較韌呀~!

白灼海蝦,唔算係好新鮮,普通呀~!

碧綠彩鳳蝦球,真係好碧綠,不過蝦球好細...冇乜味~!

海螺片,味道又係好普通,反而個冬菇好味點~!

清蒸海班,算係幾新鮮呀,唔錯呀~!

鮑魚雞絲生翅,雞絲多,翅係得翅碎~!

壽包,好大個,以為會係細個的,個人鍾意細果d多點~!

入面好多蓮蓉,同有成粒蛋黃,都唔錯,不過驚蛋固醇...叫左唔好食個蛋黃呀haaaaaaa~!

唔係好甜既~!

綜合來講味道同價錢都普通~!

上水新豐路98號地下至3樓