中央飯店

假日去飲茶同買月餅，揀左頗有歷史的中央飯店，老字號茶樓，個招牌都甚有懷舊味道。

內堂面積頗大，舊式茶樓的設計，傳統推車仔點心，甚有懷舊風情之感。
舊式茶樓，最開心就係見到推車仔聽到阿姐叫有咩點心而自己去攞，好有兒時回憶，同時真係賣少見少，呢到嘅點心姐姐幾好會推介下點心呢。

 

餐牌，價格都好親民，平日都幾抵食。

星期六、日及公眾假期:特點($33)、大點($25)、中點($23)及小點($20)。
想食的西米焗布甸冇貨。

蝦蛟(大)，都幾大粒，鮮蝦爽口。

叉燒包(中)，內餡十足。

雞包仔(小)，比較小有。

炸蝦角(大)，外皮酥脆蝦肉爽。

炸大腸，$95，見係人氣同大家本身鍾意食就試下，份量大足，外皮脆，味道香口，不俗。

豉汁鳳爪(中)，正常水準。

排骨(大)，正常水準。

鵪鶉蛋燒賣(大)，本物鍾意食，幾好味。

魚肚燒賣(大)，好奇試下，其實只係個或墊左塊魚肚，燒賣個味冇乜特別。

蛋黃蓮蓉包(中)。

炸雲吞及咸水角(中)，可混款幾好。

叉燒酥(中)，外皮酥脆，內餡適中，但凍左少許。

食物味道正常水準，價格合理，服務幾好，食情懷系列。

深水埗大埔道140號東廬大廈地舖