古今二 (尖沙咀)

假日同友人係尖沙咀行街順便食飯，天氣太熱冇乜胃口，友人提議去食日本菜，近近地揀了古今二。

大約7:30去到，食飯時段都幾full，但都好快有位。

餐牌，都幾多選擇。

炎光鱿魚漬(5隻)，$48，鮮鹹的味道，口感有嚼勁。

龍卷風沙律（微辣)，$58，清新爽口。

壽司薄餅(辣味三文魚)，$108，壽司薄餅賣相有特色，辣味三文魚份量十足，微微的辣有鮮味，餅底用炸米飯而成，香脆的口感再蟹籽及醬料十分豐富美味。

鰻魚牛油果卷，$74，本身好喜歡有牛油果的配搭，米飯份量適中，鰻魚香甜軟腍，有牛油果綿密清香，口感豐富味道清新。
煙花，$58，卷物上層有脆片及吞拿魚蓉，內餡是三文魚，味道微微的香辣，口感豐富有層次。

食物味道不俗，價格合理，值得一讚服務態度幾好有禮貌又快手，下次有機再食。

尖沙咀彌敦道100號The ONE 5樓L502號舖