每日

放工約了友人食飯，今次去一間素食自助餐-每日，蔬食自助餐，呢間想去好耐，今次可以一試了。

大約19:00去到都已經好多人，但都有兩位即入坐，晚市每位$148，任食1.5小時，不收加一。

合桃咕嚕肉，肉係合桃而成的，咕嚕肉的醬汁，美味。

青蘋果紫薯球，賣相好吸引，紫薯味唔漏，有微微的青蘋果清香，不俗。

涼拌粉皮，粉皮煙韌爽滑，鹹鹹地幾好味。

反沙芋，難得出現呢道菜，口感外脆內軟芋頭味香甜。

花生脆蘋果，薄片的蘋果爽脆，上層有花生醬及穀物，配搭特別。

芋絲卷，外層脆內裡軟腍香芋味。

酸薑皮蛋，好味。

薑醋蛋，酸酸甜甜微的辣。

蓮藕餅，口感爽脆。

芝士眉豆焗蕃茄，竟然係配眉豆好特別，芝士味唔算太濃。

蛋散，口感鬆化，味道香甜。

避風塘粟米，幾香口。

椒鹽豆腐，外脆內軟滑。

辛辣銀芽粉蘿蔔糕，口感軟糯又香口。

魚香茄子，個味真係好似魚香茄子。

黑椒薯仔，香口。

炒腸粉及薄餅，正常水準。

拔絲香蕉，味道甜香幾好味。

椰奶南瓜，南瓜軟腍椰香味濃幾美味。

蠔皇炆雜菌，諮味唔太濃，食到冬菇鮮味。

苦瓜，本物鐘意食，爽脆甘苦。

芝麻卷，好彈牙，芝麻味淡唔太甜。

抹茶餅，口感煙韌有淡淡的抹茶味。

黃金糕，味道普通。

茉莉花白糖糕，口感有點似米糕，有淡淡的茉莉香味。

紅棗糕，口感彈牙，紅棗味唔太好濃。

燕麥糕，口感較乾，夾雜燕麥，唔太甜。

金菊卷，口感較乾，帶點金菊味。

食品基本上唔太甜，比較健康。

桂圓水果茶，味道偏淡但感覺健康。

蘿蔔味菜胡椒湯，飲下湯水，正!

有雪糕食好滿足。

有水準又有特色的素食，而且幾抵食，服務親切，下次有機再食。

尖沙咀山林道10-12號山林閣地舖