假日約了友人食飯，行過皇室堡，見到呢間ROYAL INN，記得上年去過尖沙咀分店食lunch都ok，今次一於試下晚餐。
餐廳面積頗大，裝潢以宮廷風為主調，歐式水池的佈置十分搶眼，水晶燈及古典擺設，感覺優雅，充滿浪漫氣氛之感，設有VIP房適合大夥兒聚會。
餐牌，食物都幾多選擇。
香蒜白酒鮮大蜆扁意粉，$168。
大蜆份量頗多，唔算好肥美但肉質鮮甜，扁意粉軟硬適中，味道香口微辣少許酒香，味道不俗。
法國香烤油封鴨脾，$278。
油封鴨脾味道鹹香，肉質軟嫩，底層白腰豆質感鬆軟綿密。
開心果蘋果玉桂班戟，$88，見有開心果即想試下，賣相精美，面層有開心果碎粒及蘋果肉，法式班戟煙韌，味道正常水準。
環境靚打卡之選，服務態度有禮，食物正常水準，滿足的一餐。
銅鑼灣告士打道311號皇室堡3樓313-314號舖
沒有留言:
張貼留言