板卷

 
假日又去行街睇戲食飯，先去食個Lunch，上次經過見到呢間日本料理好似幾抵食，今次可一試了。

店子裝潢簡潔柔和，感覺明亮寬敞，枱與枱之間有一定距離，有空間感坐得舒適，日式燈籠的佈置及牆上的壁布增添和風之感。
大約13:00去到，唔太多人，之後越來越多人。

餐牌，都係電子落單，假日冇Set Lunch，但壽司盛及丼飯幾抵食，散叫亦唔太貴。

壽司拼盤（極上)，$158，有三文魚、吞拿魚、珍寶赤蝦、北海道帶子、北寄貝、八瓜魚、油甘魚、真鯛、特上海膽軍艦、飛魚籽軍艦及吉列炸蝦卷3件，十分豐富，刺身新鮮，海膽鮮味，帶子大粒鮮甜爽滑，珍寶赤蝦爽口，味道不俗。

友人都係一樣。

碎蔥吞拿魚腩手卷，$30。

玉子壽司，每件$7。

重量級芝士鰻魚反卷，$68。

日式冷豆腐，$32，豆腐軟滑。

食物味道不俗，坐得舒適，價格尚算幾抵食，服務態度幾好，去睇戲又多個食飯之選。

紅磡福至街38-42號紅磡灣中心地下6號舖