Texas Burger

 
約了友人比手信同展覽，因個展覽係朗豪坊順便係果頭食，揀左Texas Burger ，點知個展就係餐廳隔離，真係好方便🤣，睇完之後再去食。

餐廳是開放式的設計，坐位唔算太多，卡位好似幾舒服。

即睇餐牌，主打漢堡，亦有素食漢堡及墨西哥卷及甜品等，叫漢堡可加錢升級套餐。





草莓奶昔，是日精選是草莓，賣相精美，草莓味淡。


德州烤牛肉漢堡，$88，+$66升級套餐有是日精選奶昔、薯條及酸青瓜。

德州烤牛肉漢堡，麵包口感鬆軟，洋蔥圈香脆，煙肉片脆卜卜幾香口，厚身的牛肉，肉質軟腍牛味濃，口感豐富。

薯條，熱騰騰的薯條，香脆又惹味。

食物味道幾好，服務態度有禮，價格正常。