大阪之旅2024 Day4 - Gion Duck Rice

參觀完清水寺後又到食晏時間，據聞祇園有間鴨肉飯好出名想一試，冇得book膽粗粗照去。

一場來到緊係照等，大約等30分鐘有位，到果然要等位。

等待時揀定食咩，餐牌係用emoji及圖案代替字，果然不是等閒之輩。

小小的店子，和風的裝潢，簡約風格但感覺骨緻，因面積細，基本上得一張方枱，其他係吧位，我地6人，分3個坐方枱，3個坐吧位，都ok 。  

鴨肉、海膽及魚籽定食，¥2850(税込¥3135)，個定食，感覺好似做緊實驗，有三種食法。

一食:原味，海膽魚籽鴨肉蓋飯，半熟鴨肉，肉質軟嫩又香口，生鴨蛋拌飯，配上海膽的鮮甜及魚籽的鹹香，混合出來的味道十分鮮美，口感稠密，令人想追食。 

二食:調味料，看似試管的調味料，有山椒、七味及柚子，個人幾喜歡配合柚子的清香味。

三食:茶漬飯，將湯倒入裝滿柴魚的容器，吸取其精華調製出高湯，感覺似沖咖啡，都幾好玩，高湯倒入碗內，製成鴨肉茶漬飯，飯粒吸入高湯，味道鮮甜易入口，美味。

美味的鴨肉飯~不枉等待，仲有另一間Gion Duck Noodles，但太飽，有機會先再食了。

Gion Duck Rice🦆🍚

東山区祇園町北側281-1-1 祇園ファーストビル地下, Kyoto, Japan 605-0073

有落場時間注意~

營業時間：

平日11:00 - 15:00 / 17:30 - 21:00

週末 11:00 - 21:00

之後再行下祇園及花見小路，又買手信，再向第三個景點出發。