摩登堂 (荃灣廣場)

 
Happy Friday ，呢期好想食泰菜，見到荃灣有間摩登堂嘅泰菜幾吸引，一於去試下，唔想等緊係book 位最實際。

餐廳面積頗大，以木系為主調，綠色植物佈置，感覺柔和舒適。

餐牌，都幾多選擇。

菠蘿冰美式咖啡，$36，咖啡較重甘苦，有微微的菠蘿味。

生椰楊枝金露，$42，友人的。

冬陰功海鮮湯，$98，2位份量，個湯連用個爐上保持溫度，海鮮有蝦、魷魚及蜆等，特別在有蘿蔔同瓜(成件事好中湯)，味道酸酸辣辣，唔算好辣，多左少許甘甜味呢。

手打月亮炸蝦餅，$88，有6件，口感香脆彈牙，少許鮮味，配上酸酸甜甜的泰式辣醬更好味，不俗。

蝦頭油大蝦炒金邊粉，$128，金邊粉煙韌，味道酸酸甜甜幾開胃。

泰式糖水鍋(凍)，2-4位用，$108，上菜時的煙霧效果感覺夢幻，之後店員倒入椰乳後開始食用，好有儀式感~揀了斑蘭厚椰乳，椰香味濃，有微微私斑蘭味，配料十分豐富，時令鮮果、仙草、椰果、西米、芋圓、珍珠、白玉丸子及紫米，今次鮮果係菠蘿及火龍果，味道正常水準。

食物正常水準，價格中等。

荃灣大壩街4-30號荃灣廣場3樓350-352號舖