絲茶Silk.

 

假日去街，天氣炎熱想飲杯凍飲，友人推介絲茶，揉合港式及台式的茶飲文化而創作的港式手調茶飲，之前係中環都見過但未幫襯過，今次係MK可以試下了。

茶飲來講地方算大，可以立飲。

見到三大人氣之選，一於試下三重港茶皇，港式珍珠奶茶。

三重港茶皇，$36，要了少冰微糖，茶底係港式絲襪奶茶，其特色具口感絲滑，奶味醇厚而不失茶香，配料有蜂巢脆脆、芝霧奶蓋、黑糖波波，口感十足，珍珠煙韌有黑糖的甜味，蜂巢脆脆有咬口，芝霧奶蓋綿滑芝士味鹹香濃厚，味道不俗。

當日重有一個賣點，凡購買芝霧奶蓋飲品，可於30分鐘內免費添加芝士奶蓋，正!(但一杯飲品都好豐富之下冇加到，個FD加左2次~果然係芝士控!)

有創意的飲品，下次有機試下其他呢。

旺角西洋菜南街2J-2Q號新江大樓地下3號舖