街市中的文青cafe，主打法國菜，一直都想試下，據聞店主為大埔街坊，來頭唔細，曾在星級酒店擔任行政總廚，太受歡迎好多人幫襯，為左唔想等咁耐，一於揀左假日的6:00去，呢個時間果然唔洗等呢。
不少精緻的甜品。
小小店子，裝潢以白色及綠色為主調，簡約而有著小清新之感，落地玻璃觀賞街景，感覺舒適，餐廳崇尚慢活主義，不限時，真正relax。
餐牌，都幾多選擇，一場來到，必試下咖啡及法國菜。
Cappuccino，$32，呢到的咖啡拉花都出名靚，但咁岩我哋要嘅咖啡都冇可愛拉花wwwww，咖啡味道不俗。
Flat Latte，$32，友人的。
法式油封鴨腿，$168。
擺盤賣相精美，油封鴨腿、煎蛋、窩夫及無花果鴨汁的組合，油封鴨腿味道鹹香，外皮脆肉軟嫩，配無花果鴨汁的酸酸甜甜味道都幾夾，窩夫外脆內軟，味道不俗。
奉上的麵包。
法式傳統火腿芝士三文治，$68，三文治上都有隻煎蛋係面層，麵包外脆，口感豐富，味道濃郁。
食物有水準，環境舒適，但服務真係一般，又未至於冇禮貌，係安排有點亂同唔太熟餐廳食物之類，可能多數係新人，浸下會有改善的，疫情之中各行各業都要加油了。
大埔汀角路10號大元街市地下412及416號舖
沒有留言:
張貼留言