時光逆流

 
在中環尋找時光逆流，途經老蘭酒吧林立之地，尋找一間文青CAFE，聽落好似幾大反差wwwww。

兩層高的餐廳，外牆的和風山水壁畫有著藝術氣息。

入到內堂，是小小的店子，下層是半開放式，坐位不多，感覺適合飲下野吹下水。

而上層閣樓是主力用餐區，裝潢感覺日系，木系及藤系的枱椅，牆上一幅富士山手繪及花卉的畫作，甚有和風之感，掛有一個反方向的鐘，時光的逆流，實在太點題了，餐廳播梗Dear Jane的歌，太正了!

主食以日式為主。

月亮與六便士，$88，個名好型(據聞有段古)的精品咖啡，月亮冰磚用甜奶之成，開頭飲有點苦澀，之後冰磚慢慢溶先有甜味，有先苦後甜之感，像苦盡甘來之意。

敞開心扉的萬靈藥，$68，有玫瑰花瓣及好大粒綿花糖作點綴，賣相有心思，有肉荳蔻及朱古力，真係好甜呢。

澳洲和牛漢堡定食，$168，份量十分豐富，主菜澳洲和牛漢堡，定食包括烏冬、關東煮及漬物。

和牛漢堡面層有隻太陽蛋，賣相吸引，漢堡厚身，肉質鬆化香口，好味!

關東煮味道不俗，蘿蔔好入味，如果冬天食一定好溫暖。

烏冬份量多，十分飽肚。

漬物開胃。

香煎三文魚定食，$168。

三文魚大件，味道香口鮮味。

特盈玉子燒，$98，有大量的松露醬及芝士，味道濃郁，玉子燒軟滑，好味呢。

時光逆流招牌蛋糕，$58，好似係每期都唔同，今次係焦糖蛋糕，以食用花作點綴，賣相精美，口感厚實，味道香甜，有點似拖肥糖。

食物味道不俗，飲品有特色，價格以區來計算合理，環境細細地但氣氛幾好，有意思的餐廳，集合文化及藝術空間，來呢到chill下幾正，支持良心小店。

現實沒法時光逆流 而我想一秒一秒守 還記得初衷不放手。

中環雲咸街41號文靜大廈地下低層