御品千の味刺身壽司專門店 (海寶花園)

係大埔行下，順便食埋晚飯，諗返好耐冇食過日本野了，Yan推介了御品千の味，黃店又抵食，一於支持下，大約7點去到，不太多人，越夜就越多人了。

店子面積尚算大，裝潢簡約，牆上的木架擺放了日本酒及日式精品的佈置，帶點和風，我們二人坐的是卡位，坐位寬敞，加上的梳化椅，感覺舒適。

餐牌，十分多選擇，每款都好吸引，而且都幾平，$28追加沙律、螺肉及五選一小食。

套餐飲品可選麵豉湯或凍櫃裡的飲品，太熱之下揀了可樂。

雙色三文魚丼套餐，$60，+$28追加沙律、螺肉及雙色刺身(三文魚2件、甘蝦2隻)，十分吸引的定食，雙色三文魚刺身厚薄適中，尚算新鮮，味道正常水準。

追加的甘蝦及三文魚大件，味道不俗，未到超好食，但呢個價食到呢個份量同水準堅抵食呢。

沙律清新。

食物正常水準，好抵食，坐得舒服，服務態度親切，下次有機再來，支持小店。

大埔安慈路1號海寶花園地下15號舖