香香宮煮 (金輝大廈)

 
又到每月一餐的時候，今次一行5人去打邊爐，揀左香香宮煮，睇個款都有以打卡為主，Thanks友人Book位。

位於尖沙咀位置十分方便，餐廳面積中等，裝潢帶點古色古香，有個位可著宮廷服打下卡，我地5人坐卡位。

手機落單，但見好多想食的牛肉已售罄，先7點幾已經冇晒實在太屈...。

公主醬介，每位，$28，都幾貴。

雍穆公主·花膠雞湯鍋，$328，先入碗湯，湯底味道濃郁，雞件份量適中，肉質尚算滑。

玉面公主四國牛肉拼盤，$518，有A5黑毛和牛肋骨肉、澳洲和牛、本地手切牛肉及頂級雪花肥牛，各有5件剛剛好，牛肋骨及澳洲和牛肉質軟牛肉味濃，雪花肥牛肉質鮮嫩香口，正常水準。

伊比利亞橡果豬，$218，肉質少許鞋口，肉味濃郁。


原條紅星斑，因book位之下而贈送，原條紅星斑上菜，賣相有氣勢，但魚肉味道冇乜鮮味，一般，當打下卡。

手打蟹子鮮蝦丸(八粒)，$138，口感彈牙少許鮮味。

韭菜豬肉餃(六粒)，$98，餡料十足，味道正常。

即炸黃金響鈴(6件)，$98，口感香脆味道鹹香好惹味。

美濃水蓮，$88，食咁多肉要食下菜，口感清脆爽口。

西洋菜，$52，爽脆又吸味。

自家製足料竹蔗茅根，$78，清甜解膩。

Baileys奶凍，$18，口感唔算好軟滑，少許酒香。

食物味道正常水準，價格略貴，服務態度正常。

尖沙咀加拿芬道16號金輝大廈1樓