襟江酒家

假日睇戲後去飲茶，見最近有人推介襟江酒家，好奇一試，位於家樂坊好就腳，店面佈置搶眼，去到唔算太多人即有位。

餐廳面積頗大，懷舊餐廳格局，有少少似蓮香樓果種，佈置上都幾多印刷品，有點Hea，做得懷舊當然唔少得推車仔。


茶位，每位$16，都幾貴。

點心紙:小點$25、中點$28、大點$32、特點$35、頂點$42、優點$48及廚部小食$58。

要了香片，飲啖茶。

鵪鶉蛋燒賣，本身鐘意食，味道冇乜特別，正常水準。

蝦餃，唔算好大粒，味道普通。

發財大利燒賣，唔算特別好食，攞個意頭。

雞包仔，呢個都係較為小見，內餡較少，味道普通。

魚翅餃。

鮮蝦腸粉，腸粉皮厚但味道可以，內餡鮮蝦十足又爽口，不俗。

叉燒酥，比較少見到即要，外酥脆香甜，叉燒內餡份量適中，但唔夠熱。

芒果布甸，懷舊之下食，芒果味香，可能因為太想食甜品之下覺得幾好味。

食物味道普通，價格偏貴，仲要計錯數，試下就算。

旺角登打士街56號家樂坊8樓801號舖