波爾圖 (氹仔舊城區)

 
閃遊澳門，行左一陣又食，想食葡國菜，趁早未係好多人去波爾圖，講起來有10年以上冇去，餐廳剛好閞門即有5位，之後好快就滿座，果然係人氣店。

餐廳面積中等，裝潢有著葡國色彩，復古之感。

餐牌，食物都好多選擇。

葡式乳豬釀飯，$238，招牌必食，乳豬中件厚身，口感外脆肉嫩，有少少肥膏味道更香口，有入口即化之感，美味!釀飯味道酸酸甜甜好醒胃。

葡式燒八瓜魚，$168，賣相不俗，八瓜魚口感太韌，味道普通。

薯絲炒馬介休，$118，本物想食馬介休球，但見到薯絲又好奇試下，薯絲脆口薯味濃，味道鹹香但太油，普通。

乳豬釀飯必食，服務態度幾好同坐得舒適，有機再食。

氹仔舊城區地堡街泉福新村第1期第4座嘉開閣地下