火夫 (紅磡)

 
假日去睇戲順便食Lunch，之前一直都好想試下火夫，沖繩風居酒屋，招牌虎蝦濃湯麵，趁今次去食，去到剛好有位。

門面感覺型格，內堂日式風格，裝潢以木系為主調，暖色燈光感覺好warm，我哋5人，坐大枱，坐位寬敞十分舒適。

餐牌，個Lunch Set，$138，有一品(x3)+麵食+串物(x2)+飲品，食物都幾多選擇，想食好點又可跟餐加錢，都幾方便。

乳酸冰串梳打，跟餐+$10，味道淡。

一品有3款，雞肝多士、麥粒味噌青瓜及炸秋葵(餐牌係枝豆春卷但轉左做炸秋葵)，雞肝份量多味道濃郁，多士脆口，炸秋葵，感覺好油。

麥粒味噌青瓜，清新爽脆有味噌的鹹調味不俗，

虎蝦濃湯麵，跟餐+$50，賣相吸引，份量十足，湯底稠身，味道鮮鹹香濃，麵身爽滑彈牙，感覺似沾麵，頭幾啖好味食食下好漏，炸虎蝦超大隻，口感香脆，蝦肉彈牙，味道不俗。

白燒活鱔，一串一件，燒得焦香，口感軟滑有鮮美。

蔥燒牛舌，有2件牛舌都幾大件，口感有嚼勁好惹味。
五層豚肉燒，友人的。

雞肝啡菇，跟餐+$2，友人的。

個個都拎公仔打卡。

食物味道都不俗，但個人覺得食食下就偏向濃味同漏，坐得幾舒服，價格合理，服務態度正常，一試無妨系列。

紅磡黃埔天地百寶坊(第3期)地下G29號舖