檀島咖啡餅店

 
放工約了友人食飯睇戲，想快快脆食完又要平即想起茶記，大家就腳之下係灣仔食，揀左檀島，老字號茶記，面積大多數都有位，馳名奶茶及蛋撻(亦只食過蛋撻)，但錯重點係好留意佢個忠告牌(當年)🤣，經過以前熟悉的街道，變左好多陌生的店舖，又念懷舊姐上身。

茶記格局，晚飯時段唔太多人。

餐牌，來到多數都係食常餐、蛋撻等。

常餐，$52。

沙嗲牛肉麵，牛肉份量適中，尚算爽滑，沙嗲味道濃郁，唔算係好香，正常水準。

牛油方包配腸仔煎蛋，有種屋企整嘅感覺，味道正常。

熱咖啡，有一刻想叫奶茶，但都係想飲啡，咖啡味香，不俗。

蛋撻，$11，一場來到食埋蛋撻，因為幾好食，蛋撻微熱，餅皮入口酥脆，內餡蛋漿嫩滑有蛋香，但印象上以前係好食點比較香甜。

食物正常水準，服務態度正常，價格合理。

灣仔軒尼詩道176-178號地舖及閣樓