歷山餐廳-開心果樂園下午茶

 
因為開心果之下相約友人去High Tea，話時話都真係好耐冇High Tea了，趁今次同友人優雅的嘆Tea。

餐廳面積頗大，樓底高空間感十足，裝潢瑰麗堂皇，以墨綠色及金色為主調，古典風格，水晶吊燈，華麗奢雅之感，但椅子差點，有點污糟。

開心果樂園下午茶(for two)，$468，包一杯氣泡酒及無限添飲即磨咖啡或茗茶，網上預訂優惠價$421.2。

開心果樂園下午茶(for two)，茶點賣相精緻，鹹點有4款，其中有2款係開心果，甜點有7款，都是開心果。

氣泡酒，乾一杯。

Geisha Blossom Tea，無限添飲，清香的綠茶。

開心果樂園下午茶(for two)，茶點賣相精緻，鹹點有4款，其中有2款係開心果，甜點有7款，都是開心果。

鹹點:

黑魚子醬鴨肝慕絲泡芙，有黑魚子醬作點綴感覺名貴，泡芙口感脆但冇乜味，黑魚子醬微鹹帶鮮，鴨肝慕絲口感細膩，味道濃郁有點羶味，普通。

椰香帶子酥盒，賣相吸引，酥盒入口酥脆，微微的椰香味，帶子大粒軟滑鮮甜，不俗。

挪威煙三文魚開心果忌廉芝士班戟，班戟卷入口柔軟，煙三文魚味道鹹香，開心果忌廉芝士軟滑，因煙三文魚味太強烈唔太食到開心果味。

炸意大利飯波釀芝士開心果，入口外脆內軟，有芝士味，但開心果味唔太突出。

甜點:

英式鬆餅配開心果醬及牛油忌廉，每次去High Tea，最想食都係Scone，配開心果醬更期待，鬆餅外皮鬆脆，內裡柔軟帶濕潤的口感，

味道微甜有牛油味，有提子乾增添味道，配上軟滑香甜的牛油忌廉更美味，開心果醬口感軟滑，有開心果味但唔算好濃郁。

開心果芒果意式奶凍，面層有芒果粒粒，奶凍口感滑溜，微微的開心果味。

開心果忌廉泡芙，泡芙脆口微甜，內餡開心果忌廉軟滑，有開心果味。

開心果拿破崙，最期待呢件，以賣相及款色上都好吸引，拿破崙餅皮酥脆，甜甜地，但冇乜牛油味，開心果忌廉軟滑，有開心果味但唔算好濃郁。

開心果軟心撻，以星星作點綴賣相精緻，撻皮脆口，內餡軟滑有開心果味。

開心果慕絲蛋糕，都幾大件，口感順滑，有開心果味。

以上的甜點的開心果味基本上差不多一樣，唔算濃郁但可以，因都係開心果系列，越食越濃開心果味。

咖央西多士配開心果醬雜果仁，份量十足，仲要係西多士一定好飽，西多士口感外酥內軟味道香甜，開心果醬味道濃郁，大量的開心果碎粒增添味道及口感，頭幾啖不俗，食食下好甜膩。

食物味道正常水準，冇乜驚喜，價格算係幾平，服務態度普通，試下就算。

北角城市花園道32號歷山酒店大堂樓層