Mue Mue

平日的飯聚，約了友人到尖沙咀食飯，友人揀了一間極具特色的中泰餐廳，揉合中式及泰式飲食文化的fusion 菜，好奇一試，Thanks 友人book位。

位於美麗華商場，位置方便就腳，餐廳面積頗大，空間感十足，內堂以象牙白色為主調，暖色的白感覺柔和舒適，再配合綠色植物的襯托，營造大自然之感，花藝佈置感覺優雅，亦有數間貴賓房，大夥兒聚會一流。

設有戶外酒吧(Mue Bar)，感覺寫意。

即睇餐牌，破格泰菜，揀左幾款人氣之選，一試究竟。

雜莓沙冰，$58，淡淡的雜莓味。

芒果椰子沙冰，$58，友人的。

紅磚豆腐，$98。

有4件，其賣相靈感取自於曼谷JJ Market的紅磚屋，以紅菜頭入饡調製紅磚色彩，甚有心思，豆腐入口外脆內軟滑，酥香可口，配合避風塘炸蒜的鹹香，味道不俗。

摩登海鮮冬陰功(半例)，$168。

海鮮份量十足，有蝦、青口、魷魚及沙白等，蝦已經剝左殼果下好窩心，食得方便有儀態，青口肥美，冬陰功湯，味道略有蕃茄的酸味，較為清新，酸酸辣辣幾醒胃。

金沙麥皮蝦，$268。

有6件，鮮蝦好大隻，蝦肉彈牙，面層佈滿鹹蛋黃及麥皮，每啖都有滿滿的鹹香味，十分豐富。

炭燒沙嗲(3串)，$108。

可選豬、牛或雞，要了雞，雞肉嫩滑多汁又香口，配上香濃的沙嗲醬更惹味。

菠蘿炒飯，$248，材料豐富，有菠蘿粒、腰果、提子乾及菜粒等，最大特色係加入了膶腸，黃金色的炒飯，粒粒分明，因膶腸之增添了油香，既有菠蘿的清香味同時質感上又似臘味糯米飯，幾特別呢。

芒果糯米飯，$98，芒果雪糕內有芒果粒，味道清甜，糯米飯香甜，口感有點偏實，大量脆片增強口感。

有創意的新派菜式，食物味道有水準，環境坐得舒適，仲要好多打卡位，服務態度有禮，下次有機來飲返杯呢。

尖沙咀彌敦道132號美麗華廣場1期3樓302號舖