Polaris (太和)

 
約了友人去大埔行下海濱順便食lunch ，上網見呢間都多好評同食物幾吸引一於試下，網上冇得book位但電話有，book定位唔洗等，thanks 友人book位。

13:30去到唔算太多人，餐廳以木系及白色為主調感覺柔和，加上玻璃透入的自然光線，感覺舒適寫意。

餐牌，假日都有Set Lunch ，太好！但我地都係比散叫吸引左😂。

南瓜湯，味道濃郁。

藍花蟹肉蝦膏貓耳朵粉，$108，貓耳朵粉軟腍彈牙，醬料份量十足，口感creamy，有蟹鮮味及蝦膏的鹹味，不俗呢。

虎蝦龍蝦汁扁意粉，$98，蝦味濃郁，鹹鮮香味，虎蝦爽口，扁意粉入口煙韌，都不俗呢。

香烤美國Prime封門柳配紅酒燒汁，$248，封門柳口感軟嫩，牛味濃郁，但冇班尼迪汁用左紅酒燒汁果下冇左個特色扣分。

Handmade Tiramisu，$58，口感軟滑，咖啡味濃厚，微微酒味。

小山園日式焙茶，跟餐半價$22，友人的。

農場草莓乳酪明治牛奶，跟餐半價 $23，友人的。

海鹽柚子檸檬綠茶，跟餐半價 $22，清新的油子味，酸酸地好醒神。

食物味道不俗，價格合理，而且不收加一果下幾好，服務態度幾好，坐得舒服，relax之選。

太和大埔太和路15號太和中心9號舖