Casa Cucina & Bar

 
假日約了友人聚下，諗返好耐冇係返西環食，揀了Casa，意大利文係家的意思，唔想等位book枱食lunch。

餐廳門面已經搶眼，樓高三層，裝潢甚有異國風情，配色感覺柔和，地下果層樓底高有空間感，加上落地玻璃配合自然光線，感覺relax，第二層及第三層就樓底較矮比較侷促。

我地二人，坐第二層，見到開放式廚房，呢層比較侷促同嘈雜。

餐牌，weekend brunch，$238。


AMORE，+$35，味道酸酸地幾清新。

ORIENTAL MULE，+$35，友人的。

橄欖油黑醋及麵包。

CLAMS，+$15，蜆肉份量適中，肉質鮮味，醬汁酸酸地味道微辣感覺清爽，沾上麵包食味道不俗。

SEAFOOD TAGLIATELLE，整體份量偏少，材料有魷魚、虎蝦及蕃茄乾等，手工意粉口感煙韌，醬汁唔算多，味道普通。

BRAISED OX CHEEK，+$15，牛頰肉，牛味濃郁，肉質富彈性口感柔嫩，薯蓉軟滑香牛油味。

TIRAMISU，+$20，見係人氣之一就試下，口感嫩滑，咖啡味濃郁，少許酒香味，味道不俗。

OFU PANNA COTTA，口感柔滑有彈性，豆腐味濃厚，據聞焦糖醬加入了淡豉油，味道鹹甜，揉合港式飲食文化。

食物味道正常水準，價格略貴，服務態度正常，坐位上第二層太嘈，地下果層會舒適點呢。

西環干諾道西158A號均益大廈3期地下8-9號舖