CoHee (粉嶺)

 
假日約了友人到了一間新開的cafe，位置有印象，兩年前去過上一間（果時食完再去鶴藪），而加新開一間又另一番景象，因為估到多數都多人book位好點。

介紹返～前身為粉嶺裁判法院，後活化為香港青年協會領袖學院，而cafe是位於前裁判法院旁的白色建築物，假日的下午，果然好多人幫襯。

白色房子，內堂裝潢簡約，白色的牆身木枱椅，落地玻璃窗，透入自然光線感覺舒適，有兩個地台位置似乎係打卡之用，座位算多，密度較高，少許擠逼感，好在座位尚算闊絡，坐得都舒服。

餐牌，來得呢到嘆下啡先，相對之下比較上對甜品有興趣。

HOJICHA LATTE，$38，友人的。

GENMAICHA LATTE，$38，有玄米茶的香氣，甘甜的味道。

明太子小龍蝦意粉，$98，配料有明太子、三文魚籽及小龍蝦，意粉煙韌，口感creamy帶鮮味。

ALL DAY BREAKFAST，$138，有炒蛋、牛油果、車厘茄、無味精雞肉腸、雜菌、酸種包、沙律及煙三文魚，炒蛋滑，雜菌香口，酸種包口感太硬，其他味道正常水準。

日式麻糬抹茶卷蛋糕，$48，蛋糕質感軟綿，抹茶味濃，麻糬煙韌，cream味道香甜，整體口感豐富，幾好味。

日式麻糬伯爵茶蛋糕，$48，個色水上唔太似有茶味，食落有淡淡的茶香，蛋糕一樣軟綿，麻糬煙韌，cream味道香甜，整體口感豐富，不俗呢。

包青天，$48，自家制巴克斯蛋糕，初步相信因為蛋糕面層的焦黑而命名，，口感軟滑，芝士味濃，正常水準。

甜品幾好味，熟食正常水準，來得呢到就順便參觀下有三級歷史建築的前粉嶺裁判法院，走馬看花了一會。

三級歷史建築的前粉嶺裁判法院，以前是不少電影及電視劇取景之地，當中最為人熟悉的是無間道II。

有個大草地，感覺清幽。

2號法庭。(法官大人!)

露天走廊。

地下羈。

羈留所。

夾萬。

電話(撥個輪)。

隨意門。(OH?!)

粉嶺馬會道302號地舖