成發餅家

係粉嶺LUNCH後，據聞上水有間小店有得買奶油筒，今時今日好難再搵到呢類懷舊童年回憶(加上快樂餅店結業)，更係去博一鋪!上Openrice個名寫成發，但去到見個名寫車厘子....但入到去又真係有得買呀~即買一個來食。

奶油筒，$9，個膠袋係寫成發，酥皮外層有好多糖，個皮有少少硬唔太酥脆，內餡奶油份量豐富，口感軟滑，都幾甜。

同平時食開堤唔同(因多數係個面冇糖)，可能每間餅店做法唔同，但當懷舊下都好呢。

上水龍琛路33號龍豐花園商場地下36號舖