Espuma (H8)

久違了的每月一餐，疫情之下好耐冇見面了，就腳之下揀了尖沙咀的Espuma食，主打新派西班牙及歐洲料理，之前幫襯過，同有時會係灣仔分店食LUNCH，覺得水準不俗，今次聚會一於去呢間。

餐廳裝潢有特色，牆上的彩繪畫、藝術掛畫，戴點西班牙的色彩。

餐牌，食物都幾多選擇。

招牌水果茶，$45，賣相吸引,入面好多水果,有蘋果、石榴、橙、草莓及蘭香子等,味道清香,但時間耐了有點苦。

馬介休炸薯波，$108，賣相似炸薯球，外脆內軟，味道鹹香，不俗。

巴馬風乾火腿蘑菇薄餅，$148，餡料十足，個薄身餅底好脆，幾好味呢。

鵝肝‧巴馬火腿‧黑松露醬‧芝士薯仔蛋餅，$138，有份量的組合，有鵝乾及黑松露醬感覺高級左，蛋餅餡料十足，口感豐富，可一試之選。

西班牙橡果黑毛豬柳龍蝦汁砂鍋飯，$268，黑毛豬柳，肉質鬆化幾香口，龍蝦汁砂鍋飯，有魷魚、櫻花蝦及蟹肉等材料，入口豐富，味道濃郁，因為都幾濃味，好適合SHARE食。

百利甜酒提拉米蘇窩夫(配棉花糖及雪糕)，$128，好明顯打卡之選，粉紅的雲朵棉花糖十分吸精，味道好甜就梗，但勝在食起來唔太黏手，拎起棉花糖，底下是４件窩夫，有雪糕水果伴食，窩夫微熱，外脆內軟，水果的酸酸甜甜中和甜膩，不俗。

尖沙咀厚福街8號H8 2樓

疫情嚴峻，都唔知幾時可再聚，大家真係要小心身體，注意衛生。