Shibui 洋食屋

九龍城出名多美食，以前會想起泰國菜、牛肉餅等，隨著不斷發展之下，開設了不少特色CAFE及餐廳，而近年興起了昭和日式餐廳熱潮，今次揀了最近人氣打卡之選-Shibui洋食屋，唔想等之下最好BOOK位，THANKS YAN BOOK位呢>3<。

懷舊昭和之感的門面，傳統優雅，好明顯打卡位來。

裝潢以鵝黃色為主調，有著既浪漫又溫暖之感，昭和的特色，牆上掛有復古時鐘及電話等裝飾，和洋兼並，天花上有蒸氣火車十分搶眼。

餐廳主打日本洋食，蛋包飯及布丁都好想試下。

青‧天，主食+$48，由橙、檸檬、梳打及柚子雪葩組合而成，同個名好match，似藍天，賣相靚，味道清新，喜歡柚子雪葩的清香味。

餐湯-忌廉蘑菇湯，質感稠身，味道濃郁。

黑白芝麻醬薯仔沙律，味道偏淡。

和風旋風蛋包飯，$88，賣相不俗，蛋夠滑，內裡的茄汁炒飯，就茄汁飯冇乜配料，味道普通。

紅酒牛肋條伴飯，$148，牛肋條份量適中，紅酒味淡，牛肋口感唔韌但唔算肉嫩，牛肉味不濃，味道普通。

和風小太陽肉醬扁意粉，$138，味道正常水準。

昭和布丁，$48，賣相十分可愛，口感軟滑有蛋香，不俗。

餐廳樓上有個限定選物店，仲有隻貓店長~但果日太趕時間走錯過左><~有興趣人仕去食野順便可去下。

環境取勝，冇得去旅行，來個偽旅行。食物味道普通，有進步空間，服務態度值得一讚，親切有禮又快手呢。

九龍城侯王道22號地舖