假日同友人係旺角行下順便食飯，諗唔到食咩好，行朗豪坊經過見到呢間湯咖哩，日本過江龍，都未試過一於試下。
8:30到去到，唔太多人。
餐牌，有食用教學。
生炸雞脾湯咖喱，$92。
生炸雞脾，野菜有日本南瓜、茄子、薯仔、西蘭花等，配白飯，好大隻生炸雞脾，外皮脆雞肉尚算幾滑，湯咖喱，質感真係有點似湯，野菜味道香口，尤其係薯仔最好味，檸檬汁拌飯，增添一份清香味，咖喱質感似湯唔太稠身，味道濃郁帶點清甜又唔太辣，鹹味恰到好處，不俗，配上野菜更美味。
食物味道不俗，晚飯又多個選擇。
旺角亞皆老街8號朗豪坊4A樓1號舖
沒有留言:
張貼留言