Sofi PASTA Co.

假日約了友人食Lunch嘆下啡，想起Sofi，之前都想去但係就唔到時間，趁今日得閒去下，因為算係早去，去到即有位。

餐廳有兩層，下層面積比較細座位比較少，似係嘆啡多，上層就面積較大，樓底矮，座位較多用餐之地，以木系為主調，暖色的燈光感覺Relax。
假日冇Lunch，同時又冇左想食的意粉..只好揀其他。

泡泡黑咖啡，$40，以檸檬乾點綴，賣相有著清新之感，入口順滑清爽，咖啡味醇厚少許苦澀，配合綿密的奶泡，微微的奶香，增添了層次感。

焦糖脆脆牛乳，$48，友人的。

開心果白玉燕麥奶，$57，友人的。

自家製蘇菲炸雞翼，$58，口感香脆惹味，雞肉滑又多汁。

泡菜芝士卡邦尼煙斗粉，$138，煙斗粉口感煙靭有嚼勁，有泡菜味但唔算好濃，芝士唔算好多，味道正常。

黑松露蘑菇捲捲麵，$158，之前大熱的捲捲麵，口感煙韌又豐富，黑松露蘑菇味道偏淡，味道普通。

開心果巴斯克蛋糕，$68，口感軟滑，開心果味恰到好處，感覺較輕盈。

食物味道正常，服務態度有禮，Relax之感。

上環文咸東街6號地舖