一點心

 
假日係旺角行下順便食飯，友人提議去食點心，上網搵左幾間都係好full，似乎中式點心都真係幾受歡迎。
搵搵下搵到一點心，米芝蓮一星，好奇有幾好食即試下，都係多人要排隊等位但已經比其他點心店少點人，以為要等好耐，但又比想像中快，10分鐘內有位。

餐廳面積頗大，牆上的巨形懷舊壁畫十分搶眼，都幾多遊客幫襯。

點心紙，比較出名同想食的叉燒焗餐包及香芒奶皇卷都冇貨，有冇咁快冇晒呀。
茶位，每位$7。

蜜汁叉燒腸，$30，腸粉皮薄滑溜，內餡叉燒粒粒有咬口鹹甜惹味。

皮蛋瘦肉粥，$25，食左少許，粥底幾綿。

蟹皇蒸燒賣，$36，豬肉燒賣，飽滿多汁。

豐料糯米雞，$34，店員幫手剪開4份方便，米飯口感軟綿及有荷葉的清香味，材料十足。

蒜香蝦春卷，$30，口感香脆，內餡爽口。

香滑奶皇包，$23，包香軟，內餡奶皇香甜。

鮮竹牛肉球，$27，正常水準。

豉汁蒸鳳爪，$27，正常水準。

薄皮鮮蝦餃，$42，好大粒，皮薄軟柔，內餡鮮蝦爽係。

家鄉咸水角，$22，外皮脆口煙韌，餡料足料味道鹹香。

古法炸蛋散，$27，話時話好耐冇食過呢類野，口感鬆脆入口即化，甜甜地又不太腻，味道不俗。

食物正常水準，唔算好特別，價格合理，服務態度正常。

太子通菜街209A-209B號地舖