放工約了友人食飯，大家就腳之下到尖沙咀食，凍凍地想食粉麵，係IG見到有間泰濃麵幾正就試下，平日食飯時段7點幾都幾多人要排隊，等左10分鐘到有位。
餐廳不論裝潢及格局都似港式，只係牆上掛有關於泰國船麵嘅相。
餐牌。
香茅班蘭梳打，$29，香茅味清新醒神，爽。
頂級安格斯牛肉船麵，$94。
都幾大碗，湯底味道香濃，微微的辛辣帶鮮甜，要了薯粉，口感煙韌又入味，內有牛肉、魚蛋、炸豬皮及蘿蔔等，份量十足，牛肉軟腍，炸豬皮脆口，十分豐富。
泰式炸蝦餅，$49，有3件，口感香脆彈牙，醮上泰式辣醬酸甜辣好惹味。
食物味道不俗，有機再戰。
尖沙咀樂道7號嘉樂大廈地下A號舖
沒有留言:
張貼留言