上星期天氣好凍，見到熱騰騰的粥好想食，成日經過生記好想幫襯但下午真係好多人，反而夜晚就少人好多，趁呢期唔洗ot相約友人放工一齊到生記食粥。
我地入左細的舖位，仲有個舖位係生記清湯牛腩麵家。
平日大約19:00去到唔算太多人，但都聽到唔少遊客幫襯(又真係幾出名嘅)。
餐牌，多款選擇揀左一陣。
豬潤豬心粥，$47。
好大碗而且十分足料，粥底好綿，豬潤大片好爽脆鮮嫩味道濃郁，豬心口感爽口少許彈牙帶鮮甜，配上薑蔥豉油更美味。
食物味道不俗，價格合理，感覺街坊，食過夜粥係唔同啲，成個人都暖左呢。
上環畢街7-9號地舖
佢啲粥係幾好食又多料
回覆刪除