喜喜冰室

假日去了工展會順便食埋晚飯，諗唔到食咩之下又想食茶記，即想起喜喜，差唔多成十年冇去，既然係果頭就照去食。實在太耐冇去，原來搬左同裝修左，假日8:00去到唔太多人。

餐廳面積頗大，設有露天位置，裝潢甚有懷舊之感，餐廳擺放了不少懷舊物品，最搶眼係個小巴卡位設計，實在太正忍唔住打卡。

餐牌，本身想來食沙嗲牛之類，但當日晚餐時間冇，只好食其他，好彩雞批浮台仲有，因為主要想食返呢個，見個阿姐好有誠意推介個喜喜聖誕大餐，諗唔到食咩之下就一試了。

雞批浮台~雞批菠菜蓉湯，$48，太耐冇食，唔係好記得個味，但印象上個湯係唔同左既，以前好似係青豆忌廉湯，而加係菠菜蓉湯，反而好味得多，菠菜蓉湯口感杰身菠菜味濃不俗，雞批口感酥脆，餡料十足又香口幾好味呢。

鐵板餐的餐湯，可以揀中湯，配牛油餐包。

黑毛豬鐵板餐配薯菜及蒜蓉汁，$138，黑毛豬，梳打粉肉，口感太軟腍冇乜味，伏。

喜喜聖誕大餐，$238:

熱奶茶，正常水準。

芒果大蝦沙律，芒果甜中蝦爽口，配料仲有沙律菜、青瓜、蘿蔔及紅腰豆等，味道清新。

周打魚湯，好大碗又足料。

芝士焗龍蝦半隻及配鑊仔牛柳，份量少，芝士焗龍蝦，芝士味道唔夠濃，龍蝦又冇乜肉唔夠鮮味，牛柳都係細碟，口感太軟肉味太淡，一般。

美式蘋果批配雪糕，蘋果批微熱，口感酥脆，內餡有蘋果香味及肉桂味，配上雪糕伴食幾好味。

食物上扒餐真係唔洗諗，雞批及蘋果批都好食，環境取勝有特色，坐得舒適，服務都幾好，價格合理，下次有機食茶餐呢。

銅鑼灣百德新街57號Fashion Walk地下C&D號舖