2月舊同事又飛返來港，4人又再聚下，就腳都係銅記食飯，今次食日本料理，Thanks友人book位。
小小的店子，空間狹窄有點壓迫感，坐位都幾擠迫，好在4人係坐卡位比較闊舒服點。
餐牌，揀了精選二人前及特上二人前。
精選二人前，$298 :
蟹子沙律，份量十足，清新爽口。
串燒拼盤，菠蘿、雞柳及雞中翼，正常水準。
日本芝士年糕，一開二咁縮皮，口感煙韌芝士餡多。
泡菜黑豚肉石鍋飯，熱騰騰的鍋飯，黑豚肉口感鬆化，正常水準。
牛肉野菜壽喜燒，蔬菜份量多，牛肉片份量適中，同有豆腐及温泉蛋，味道鹹甜平衡，因為當日好凍之下食覺得幾好味。
特上二人前，$498 :
特上二人前，$498 :
松葉蟹肉香芒蟹籽沙律，有芒果及蟹肉，清新開胃。
特上2人櫻盛合，煙霧迷漫恍如仙境好夢幻，刺身唔算好肥美，尚算新鮮，海膽鮮甜。
鐵板牛小排，肉質軟嫩，味道不俗。
蕃薯蝦天婦羅，脆口不油膩。
黑椒和牛粒飯，和牛粒份量多，香口惹味。
清酒，熱的，好暖身。
綠茶雪糕，淡淡的綠茶味，有甜品食好滿足。
食物上有種似放題之感，味道正常水準，價格合理。
沒有留言:
張貼留言