コメダ珈琲店

新年假期時同友人去行街睇戲，夜晚唔太肚餓但又想坐下食少少野，經過見到呢間餐廳，日本名古屋人氣咖啡店，據聞係日本KOMEDA與香港AEON特許經營進駐香港，有50多年歷史コメダ珈琲店，其實佢個名都幾眼熟，因真係好多分店，去日本旅行都唔少地方有佢既存在（但又冇去幫襯)，反而係香港先幫襯wwww。
都幾多人捧場，拎左飛再去AEON 行返轉先，大約半個鐘到都有位，時間剛好。

餐廳面積頗大，以木系為主調，絲絨梳化椅，暖色的燈光，感覺柔和，我們坐的是卡位，座位闊落，感覺舒適。

近門面位置的木架擺放了書籍及雜誌，還有售賣自家品牌的貨品。

餐牌，一場來到就試下招牌貨，追加的食物竟然出現燒賣！
手機落單好方便。

紅豆小町 櫻(凍)，48，友人的，因同要了走冰杯飲品份量唔會滿。

紅豆小町 葵(凍)，$48，紅豆+咖啡+牛奶，因為要了走冰，杯飲品份量唔會滿，好均真www，咖啡味香醇，紅豆大粒味道香甜，味道不俗。

付送的小包零食（豆）。

炸豬扒方堡，$95，份量十足，可3人share呢。


炸豬扒厚身，麵包香軟，炸豬扒入口香脆，肉質鬆化，配上酸中帶甜的豬扒醬及椰菜絲減抵其油膩感，幾好味。

多士，追加$10，選購仕何飲品可追加的食品之一。

紅豆蓉，追加$10，選購仕何飲品可追加的食品之一。

多士都係招牌之一，必試，厚多士入口香脆內鬆軟，配上紅豆蓉香甜味道濃郁，好味。

冰與火，$65。

招牌貨之一，丹麥麵包、軟雪糕及爆漿的組合，微熱丹麥麵包，層層酥脆的口感，味道香甜，配上軟滑牛奶味濃的軟雪糕，口感豐富又美味。

食物幾好味，位子座得舒適，用餐時間唔限時，真正relax ，得閒來嘆杯咖啡食個甜品都幾享受呢。

紅磡黃埔天地黃埔號(第6期)AEON Style地下G01號舖