花楽

 
上年12月時到了將軍澳花樂一轉，比個刺身Tea Set吸引左，趁假期即去一轉。

餐廳面積頗大，日式設計感覺和風，適逢聖誕臨近，內堂有聖誕的佈置，甚有節日氣氛。


我地4人坐呢個位，梳化坐位闊落感覺舒適。

有兩個Tea Set選擇，一場來到，要個多刺身嘅Set滿足下。

餐牌，好多刺身、壽司及熟食都好吸引。

花樂奢華下午茶，$489 for two。

金絲的鳥籠架再配上精緻的甜點及日式料理，賣相華麗又夢幻。

粉紅玫瑰花茶，淡淡的玫瑰香味。

雲利拿蘋果果粒茶，味道酸酸地，唔太覺有蘋果味呢。

日本海草COCKTAIL杯，海葡萄爽脆，味道酸酸地，少少酒香，幾開胃。

磯煮鮑魚，肉質彈牙又入味。

蟹籽醬伴芝士年糕，微熱的芝士年糕，口感外脆內軟，煙煙韌韌，芝士味濃郁，配上蟹籽醬味道更豐富。

咸點。

松葉蟹甲羅鳥巢壽司，成個蟹蓋上甚有氣勢，再用食用花作點綴賣相十分精美，魚籽及蟹肉伴飯味道鮮甜，好味。

拖羅蓉伴香蔥玉子壽司，賣相有特色的玉子，拖羅蓉香口，玉子軟腍。

甜蝦刺身，鮮甜爽口。

拖羅刺身 ，新鮮美味。

鵝肝壽司，鵝肝香口油潤，好味。

山葵漬油甘魚水菜卷，賣相精緻，淡淡甘甜味油甘魚，包住爽脆的水菜，有清爽之感。

甜點：有部分甜品與圖不同，感覺有點遜色，但都ok嘅。

本身係法國直送香梨吉士批，轉左做芝士蛋糕，味道正常水準。
本身應該係日東卷，但變左做芝麻糯米糍，口感糯軟。
法國特濃榛子蛋糕，朱古力榛子味道濃郁。

時令水果，初步相信應該係粒車厘茄。

十勝紅豆蕨餅，蕨餅口感軟滑微甜，抹茶味甘苦味道濃厚，配上香甜的紅豆，好味。

日本櫻花和菓子，難得食到日本傳統甜點和菓子，有櫻花及柑橘兩款，要了柑橘，造型真係好真又可愛，味道竟然唔係好甜，食落有柑橘清香味，甜度適中。

水信玄餅，賣相晶瑩剔透，內有櫻花作點綴增添美感，味道好淡。

食物味道不俗，坐得舒適感覺relax ，服務態度幾好，thank Yan請食 Tea >3<。

將軍澳唐俊街21號翩滙坊地下G23號舖