放工約了友人食飯，友人見到一間以腐乳為主題的餐廳，腐乳WO!必食!(好LIKE腐乳，曾幾何時都自行炮製過腐乳小丸子wwwww)腐乳堪稱中國芝士，配上西式料理，揉合港式及西式的飲食文化推出具創意的菜式，當中最有興趣係腐乳咖啡及腐乳卡邦尼，好想知咩料~!
店面似西餐廳，有兩層，內堂裝潢隱約有著港式的風味，牆身的碧綠色及黑白色瓷磚，有著舊式冰室之感，牆上的海報，有意思的內容，腐乳論人生。
餐牌，好多野吸引，但已有心水想食。
腐乳為主題，枱面上有樽腐乳係好合理，據聞選用開平腐乳。
FUYU CHOCOLATE，跟餐+$10，友人的，朱古力係是日推介，友人話幾好飲呢。
LAU WHITE(流白)，跟餐+$20，老闆即場手調，腐乳醬+咖啡+湯力，好大膽嘅組合!充滿好奇咩味，估唔到竟然係夾!!頭一啖腐乳味較突出，之後飲到咖啡味，飲飲下味道開始平均，好有層次，本身杯咖啡味都係不俗，配合淡淡地的腐乳味竟然幾好飲，正!據聞每次都選用不同的咖啡豆，都幾花心思去研究。
新腐乳卡邦尼意粉，$128。
食之前，老闆建議加一磚腐乳效果更佳，用上椒絲、腐乳及臘腸等的港式材料，意粉口感軟硬適中，撈蛋之下口感更creamy，每啖都好有腐乳味，但唔會好濃烈同好鹹，味道比較清香易入口，配合埋鹹香的臘腸，味道更香同好夾，有創意又好味的卡邦尼。
腐乳龍脷柳卷配白飯，$68。
圓形賣相的龍脷柳卷，外層煎得香口內裡爽滑。
付上黑椒檸檬及腐乳白汁，腐乳白汁可以加磚腐乳味道更濃，黑椒檸檬酸酸甜甜幾好味，白飯就更係傳統食法腐乳撈飯。
新咸蛋黃炸魚皮配腐乳醬，$68，賣點係個腐乳醬，腐乳醬味道上唔算好強烈比較淡味，咸蛋黃炸魚皮香脆惹味。
食物有水準幾好味同創意十足，係呢區來講價格上真係幾抵食，服務態度親切~~期待會出甜品呢~下次有機要再戰。
好fusion!!
回覆刪除