旅窩

放工約了友人食飯，上網睇下有咩好野食，見到有間店子叫旅窩，好特別，據簡介意指「喜歡旅遊的你和我一起窩在這裡」，都幾有意思，不禁想起自從疫症後冇得去旅行已經兩年了T-T!店子主打台灣菜，而另一個賣點係食物不含味精及添加劑，天然用料食得健康，今次就決定窩在這裡了，THANKS友人BOOK位>3<~!

水綠色的門面，加上係PMQ對面，都幾易去，餐廳有兩層，我地坐下層，下層裝橫簡約，一些綠色的佈置，有著自然之感，牆上的地圖、照片及時鐘上不同國家的時間，木架上的飾物、手信及書籍，突出了旅行的主題。

上層是摩洛哥風格，甚有異國風情，(溫提:呢層要脫鞋入座及BOOK位)。

餐牌，隨左點菜外，都吸引左睇內容，長知識了。

餐具十分精美。

柚子四季春茶，$28，友人的。

仙草青檸冬瓜茶，$38，甜度適中，消暑佳品。

紅燒半筋半肉湯麵，$128，湯底味道濃郁，麵條煙韌，牛肉入味口感柔嫩，牛筋口感爽彈，味道不俗。

招牌豆乳鹽酥雞便當，$88，第一次幫襯，必食系列，豆乳鹽酥雞、溏心蛋、韓國粉絲、椰菜及金平牛蒡，有菜有肉份量十足，有牛蒡感覺健康，溏心蛋、煙韌的粉絲及椰菜令個飯的口感更豐富，豆乳鹽酥雞厚身大件，入口十分酥脆，而且唔覺油膩果下勁，肉質軟嫩又多汁，香口美味!

特製大澳蝦醬，注入左港式風味，鹹鹹香香得來味道溫和，唔係平日好強烈的味，伴上鹽酥雞食味道更佳。

草莓&藍莓伯爵茶鮮忌廉窩夫，$138，好想食甜品，微熱的窩夫，外脆內軟，有淡淡的伯爵茶香氣，不俗，黑糖珍珠奶茶雪糕，味道同黑糖珍珠奶茶一樣，內有珍珠，香香甜甜之味。

食物有水準，豆乳鹽酥雞美味，坐得舒適RELAX之感，服務態度幾好，價格合理，不設加一，又多個食飯之選。

中環鴨巴甸街42號地舖