鍾菜

一月時的每月一餐，去了九龍灣食中菜，book了4人，8:00。

位於壹號九龍鍾菜，環境比較靜，餐廳面積寬敞，有空間感，裝潢是中式的設計，牆上以廚具作佈置，幾有心思，我們有4人，坐卡位，座位闊絡坐得幾舒服。

晚市四位餐，優惠價$798。

江南三小品，只食了叉燒，正常水準。

時令燉湯，是栗子淮山雞腳湯，十分足料，湯味濃郁，不過太油。

湯渣，食得唔好嘥。

碧綠蔥爆花姿蝦球，花姿片鮮味，但口感有點韌，蝦球冇乜味唔太新鮮呀。

醬皇脆燒雞(半隻)，賣相不俗，外皮香脆，肉質不算太嫩，味道幾好。

濃湯浸時蔬，湯底唔係好濃，時蔬浸腍易入口，清清地的菜式。

清蒸金花尾躉，唔算好大條，魚肉嫩滑，幾好味呀。

臘味糯米飯，糯米飯口感好硬，不太足料又唔夠香味。

自家靚甜品，杏仁糊及芝麻糊，要了芝麻糊，味道正常水準。

thank 田會長 & Paul 呀~~同我地一月之星慶祝~~~>3<!

環境大坐得舒服，食物水準普通，服務態度不俗。

九龍灣宏遠街1號壹號九龍G01舖