相約了友人拎手信,最近有不少朋友去日本呢,來緊都會飛一轉,想搵間舒適的餐廳詳談問下行程,上網見到呢間法日西餐廳幾特別,環境不俗,食物又吸引,一於去試下了,位於天后的商廈頂層,是一家隱蔽的餐館。
裝潢是時尚型格的設計,昏暗的環境,暖色的燈光,感覺氣氛浪漫,位處大廈的25樓,可邊用餐邊欣賞壯麗的夜景。
Set Dinner Menu,主打法國菜,睇到另加$118有3隻生蠔,身為生蠔fans,必食呀。
微暖的餐包。
生蠔3隻,$118,店員細心的介紹生蠔分別有三款,Irish rock、Scotish及Fine de Claire,由右到左淡到濃進食,試了兩款:
rish rock口感爽脆,海水味較淡。
Scotish,比較大隻,口感creamy,海水味重點。
新鮮蠔果然好味呀。
18個月黑毛豬風乾火腿伴哈蜜瓜,黑毛豬風乾火腿味道鹹香有咬勁,哈蜜瓜爽口清新,好味呀。
頭盤是鮑魚,想不到如此名貴呢。
鮑魚口感爽脆彈牙,味道鮮甜,不俗呀。
鮮蠔濃湯,好香濃的蠔味,味道略帶鮮甜,好味呀。
烤美國安格斯300日肉眼(200g)配酒汁,$528,賣相好吸引,要了7成熟,肥厚的牛扒,肉質鮮嫩,口感鬆軟,油香多肉汁,好美味呀。
1/2波士頓龍蝦黑雪魚配蟹肉忌廉汁,$538。
龍蝦肉質爽實,味道鮮味,黑雪魚煎得香口惹味,配上蟹肉忌廉汁更滋味。
餐飲及甜品二選一,要了甜品,是日甜品焦糖燉蛋。
本身鍾意呢個甜品,上層是香脆的糖衣,燉蛋軟滑味道香甜,好味呀。
十分豐富的一餐,欣賞美景享用美食很滿足,服務態度體貼,如果有埋餐飲會更加圓滿呢。
天后電氣道108號冠貿商業大廈25樓
沒有留言:
張貼留言