又行旺角,出到去已經3點,下午茶既好時間,冇食早餐,想食豐富既下午茶,周圍睇,見有間第尾牛扒,咁攪笑既個名,唔知係味名副其實.......個下午茶有鐵板燒食,只係$50以下,幾平即吸引左食扒,除左扒餐,都有茶記既例牌下午茶,幾多選擇呀。
西餐廳設計,環境好大,好多卡位,不過梳化好多都係爛,因為太鐘意卡位照坐,在場客人大陪份都係叫扒餐食呀。
有茶記既tea set又有鐵板餐,都幾多選擇,不過既然來到就叫鐵板燒餐呀。
熱奶茶,太淡了。
羅宋湯,辣辣地,幾多雜菜,OK。
是日鐵板餐,$49,唔知係味每日都唔同,今次係牛扒,個扒餐配薯菜,包埋餐湯、餐飲,仲要有個飯,份量好多呀,牛扒都幾大件,要左黑椒汁,少少辣,撈飯食幾正,牛扒正常味道又唔韌都OK,粗薯條幾好味呀。
上次去覺得幾抵,之後有日又去tea,今次食tea set燒雞脾沙律,$34,可以配紅豆冰,都幾抵,紅豆冰,紅豆份量好少,味道比較偏淡。
好大隻雞睥呀,賣相好吸引,熱辣辣,咬落皮脆夠油,好香口,沙律份量幾多,味道清新,幾好味‧
抵食夾大件,扒板份量好豐富,味道都正常,不過比較欣賞個燒雞脾,幾好味呀。
太子西洋菜南街218-220號1樓
沒有留言:
張貼留言