上環夢見屋~

生日時同aeris lunch,見到blog友介紹上環開左夢見屋,之前係尖沙咀果間食過都ok,又有cake食好正,於是去食呀,1點去到,果然好多人,等左幾個字先有位,好在唔算好耐。

lunch set個價,貴左少少,百幾到,不過有cake其實抵返既,間中食下又無妨呀。

上環喱間既設計同尖沙咀個間有d唔同,尖沙咀較為日式文化,而上環就比較西式,同以chocolate rain為主題,周圍chocolate rain既公仔。

chocolate rain。

我地坐既位係門口位,對住個窗,感覺有少少攪笑,同好晒,唔係幾好坐呀。

本身要香煎龍利柳配飯,不過冇晒龍利柳,變左三文魚,都ok,加$25可配自家制蛋糕,更係要埋呀。

忌廉湯,普通。

係半熟的三文魚,口感唔鞋,味道ok,配上香草汁同少少伴菜,都算幾清新。

熱奶茶,淡淡地。

又係最正既時候,揀cake食,花多眼亂,想食清點揀左藍莓蛋糕,最近迷上海綿蛋糕,清清地唔太甜,又有少少藍莓味,幾好食呀。

aeris既香蕉撻,都係好吸引,間中有好多香蕉,又唔漏,唔錯呀。

thx aeris請我食飯>3<~又要你破費,下次要請你食飯呀~!