再戰葵芳唯一麵家+Hysan Place綠色遊樂場~

又去葵涌廣場行街,晚褻再戰喱間,因為太平了,同想試下小籠包喱,$13真係好平呀,因為唔算太肚餓,叫左3個小食同一碗麵。

鮮肉鍋貼,今次差左呀,個底好燶,皮好硬似返炸,不過仍然個多餡有肉汁,係個皮爭點。

南翔小籠包,雖然唔係好完美,不過真係好平幾抵食,皮夠薄,都係多餡有肉汁,不過湯汁少,味道ok既。

豆沙鍋餅,仲係熱辣辣,入面豆沙份量適中,口感軟熟幾好味呀。

上海雲吞擔擔麵,湯底少少辣,香芝麻醬味,不過唔算好濃郁,擔擔麵,麵身幼口感爽,唔錯呀。

其實鍋貼、小籠包同雲吞都係同一個餡,只係皮厚薄軟硬唔同,大件又多餡幾正,味道OK都幾抵食呀。

肥既綠色馬仔,幾得意,最近好似唔少聖誕佈置係旋轉木馬呀。